Skip to main content

Social Media Tax Ky Bad Uganda ky 50 Lac Logon Ney Internet Chor Dia

Infodunya.com 5 million people gave up using internet after socila media tax in uganda.

2018  ke mid mein Uganda nay social media  tax muta-arif karaya tha. Is ke tehat social media services, jaisay Facebook, twitter, whats app aur deegar tak rasai ke liye tax dena zurori hai. Ugnda communication commission ke jari kardah adaad o shumaar se pata chala hai ke is tax nay mashriqi afriqa ke countries mein internet sarfeen par bura assar dala hai. Is tax ke nifaz ke teen mah baad hi mulak se 3 million sarfeen nay internet ka istemaal band kardiya tha .

UCC (Uganda Communication Commission) ke jari kardah adaad o shumaar ke mutabiq Uganda ke adhay internet sarfeen social media tax ada kar rahay hain jo hukoomat ke tawaquaat ke bar aks hai .
July 2018 se September 2018 tak mulak mein  ki amdan tax ada karne walon ki tadaad mein kami aayi hai. September 2018 ke ekhtataam tak 50 4 % internet sarfeen social media services ka istemaal kar rahay they .


Adaad o shumaar se pata chala hai ke bohat se sarfeen nay internet ka istemaal hi band kar diya hai .

Internet ka istemaal tark karne walay sarfeen ki tadaad 5 million hai .
Uganda ke bohat se internet sarfeen social media tax ada kar rahay hain to sarfeen ki aksariyat tax bachanay ke liye Virtual Private Network (VPN) applications ka istemaal kar rahi hai .
Majmoi tor par dekha jaye to social media tax ka nifaz Uganda ke internet sarfeen aur hukoomat ke haq mein kuch behtar nahi. Tax ke nifaz ke baad internet sarfeen ki tadaad aur tax ki income mein kami waqay hotay ja rahi hai .

Comments

Popular posts from this blog

Kis Mulk Kay Paas Kitny Atom Bomb Hen?

Duniya bhar mein is waqt 9 mumalik ke paas 16,000 se zayed atom bomb mojood hain. Ab yahan yeh sawal peda hota hai ke kis mulak ke paas kitney johri hathyaar mojood hain? to aayiyae is sawal ka jawab hum aap ko batatay hen. Hum yahan sirf  7 mumalik aur un ke johri hathyaaron ki tadaad ka zikar kar rahay hain :

RussiaStockholm International Peace Research Institute ( SIPRI) ke mutabiq johri hathyaaron ki tadaad ke muamlay mein Russia sab se agay hai. Sabiq Soviet Union ne apni taraf se pehli baar atomic dhamaka  1949  mein kya tha. Sabiq Soviet Union ki janasheen riyasat Russia ke paas is waqt 8000 johri hathyaar mojood hain .


America1945 mein pehli baar johri tajarbay ke kuch hi arsay baad America ne japani shehron Hiroshima aur Nagasaki par atomic hamlay kiye they. SIPRI ke mutabiq America ke paas aaj bhi 7300 atom bomb hain .


FranceEurope mein sab se ziyada johri hathyaar France ke paas hain. Un ki tadaad 300 batee jati hai. France ne 1960  mein atom bomb bananay ki technology haasil …

Saudi Crown Prince Ney Football Team ki Boli Laga Di

Saudi crown prince Mohammad bin Salman ney football ki duniya mein entry maartay hue United Kingdom mein Manchester United team khareedne ke liye 3.8 billion pound ki mehngi tareen boli laga di hai .


Saudi crown prince ki janib se football team Manchester United khareedne ke liye 3. 8 billion pound ki boli lagnay ke baad next season manchester united  ka Mohammad bin Salman ki malkiat mein anay ka imkaan hai .

Agar Saudi crown prince yeh football team khareed letay hain to woh british league mein football club khareedne walay dosray arab prince ban jayen ge, un se pehlay Abu Bhabi ke crown prince Sheikh mansoor bin zayd ney football club manchester city ko khareeda tha .


Khayaal rahay ke America ke  family naay 14 saal pehlay manchester yonayitd team 89 crore pound mein khareeda tha, Glazers family naay media mein gardish karti manchester united ki farokht ki khabron tardeed bhi ki hai .

Face Recognition Kay Baad Gait Recognition

Aik Chinese startup ne  aisi technology develop ki hai jo logon ko unn ki chaal ( gait ) se bhi shanakht kar sakti hai. Yeh technology back se dekhte hue ya chehra dhanpe hue shakhs ko bhi unn ki chaal se shanakht kar sakti hai .
Gait recognition nami yeh technology artificial intellligence ke startup  Wateric  ne logon ki chaal aur jismani saakht ke hazaron samples se develop ki hai .

Laboratory mein is technology ki durusti ka tanasub 96 feesad hai .
Chehray se shanakht ki technology ko aeye kayi saal ho gaye hain lekin is ke istemaal mein kayi bunyadi khamiyan hain. Is mein logon ko dekhnay ke liye unn ka chehra dekhna zurori hai. Agar kisi ka chehra dhakka hwa ho ya camera kisi ki pusht ki taraf hoto chehray ki shanakht ki technology se is shakhs ki shanakht mumkin nahi .

Is muamlay mein gait recognition ziyada qabil bharosa hai. Yeh kisi bhi angle se kisi shakhs ki chaal se shanakht bta sakti hai. Tangon, chehray ya jism ko dhaanp kar is technology ko dhoka nahi diya ja sakta .
Wateri…